प्रकार २ मधुमेहको जोखिम पत्ता लगाउँन केवल केहि मिनेट लाग्छ।

मधुमेह, डाइविटिज, चिनी रोग, सुगरजस्ता अनेकौँ नामले परिचित यो रोगको मुख्य लक्षण भन्नु नै रगतमा ग्लुकोजको मात्रा बढ्नु हो । आठ–दस घन्टाको उपवासपश्चात् लिइएको रगतमा यदि ग्लुकोजको मात्रा १२६ मि.ग्रा. प्रतिडेसिलिटर (१०० मिली रगतमा १२६ मि.ग्रा.) भन्दा ज्यादा पाइएमा त्यस्ता व्यक्तिलाई मधुमेह रोग लागेको मानिन्छ । सामान्यतया एउटा स्वस्थ व्यक्तिको रगतमा ८० देखि ११० मि.ग्रा. प्रतिडेसिलिटर ग्लुकोज पाइन्छ । यदि ग्ललुकोजको मात्रा यो रेन्जभन्दा ज्यादा भएमा हाइपर ग्लाइसिमिया भनिन्छ भने कम भएमा हाइपो ग्लाइसिमिया भनिन्छ । चिकित्सकीय परिभाषामा ती सम्पूर्ण रोगावस्थाहरुलाई मधुमेहको नामले सम्बोधन गरिन्छ, जसले हाइपर ग्लाइसिमियाको साझा लक्षणलाई व्यक्त गर्दछन् ।